Чалавек адказвае Богу. Хрост Езуса глыбока раскрывае сэнс нашага хросту

Хрост Езуса глыбока раскрывае сэнс нашага хросту. Дзякуючы гэтаму сакрамэнту мы сталі ўмілаванымі дзецьмі Божымі, членамі святога каталіцкага Касцёла.

Многія з нас не памятаюць свайго хросту, але мы можам цяпер заплюшчыць свае вочы і ў думках апынуцца на сваім хросце. Уявім сабе парафіяльны касцёл, куды прынеслі нас шчаслівыя бацькі, уявім нашых хросных бацькоў… Цяпер паспрабуем абудзіць ва ўяўленні ўрачысты момант хросту, калі святар называе наша імя і, вымаўляючы словы: «Я цябе хрышчу ў імя Айца і Сына, і Духа Святога. Амэн», тройчы палівае нашу галаву вадой. Паўтары гэтыя словы павольна пра сябе… Пан Бог стаў тваім нябесным Айцом, а ты стаў умілаваным Божым дзіцём.

Што ты пры гэтым адчуваеш?

Вучні дзеляцца сваімі пачуццямі.

Катэхет прапаноўвае вучням зрабіць паштоўкі, якія будуць нагадваць пра тое, што мы любімыя Божыя дзеці. Вучні атрымліваюць каляровую паперу фармату А6 і робяць паштоўку са словамі: «N. (Імя вучня) — сын/дачка Мой/Мая умілаваны/-ая, якога/-ую Я ўпадабаў». Вучні ўпрыгожваюць паштоўкі. Адбываецца прэзентацыя паштовак.

Разважанне

Катэхет задае вучням пытанні:

— Ці памятаеш ты дату свайго хросту?

— Ці ўдзячны ты Богу за дар Хросту і веры? У чым гэта праяўляецца?

— Якія твае ўчынкі кажуць пра тое, што ты — любімае Божае дзіця?

— Якія твае думкі, словы і ўчынкі аддаляюць цябе ад Бога?

— Што ты можаш і хочаш зрабіць для Езуса Хрыста пасля сённяшняй сустрэчы з Ім?

Пастанова

Катэхет:

Пастанову запішыце ў сшытак.

Хатняе заданне

— Раскажы членам сваёй сям’і і сябрам пра хрост Езуса Хрыста.

— Зрабі паштоўку са словамі: «N. (Імя сябра/сяброўкі) — сын/дачка Мой/Мая умілаваны/-ая, якога/-ую Я ўпадабаў» і падары яе свайму сябру ці сяброўцы, якія забыліся пра тое, што праз таямніцу хросту яны сталі дзецьмі Пана Бога.

Заключная малітва

Спеў