Чалавек адказвае Богу. Катэхет прапаноўвае вучням раздзяліцца на пары і ўзяць адзін у аднаго інтэрв’ю на тэму «Твой Нябесны Айцец — які Ён?» (заданне ў сшытку № 5)

Катэхет прапаноўвае вучням раздзяліцца на пары і ўзяць адзін у аднаго інтэрв’ю на тэму «Твой Нябесны Айцец — які Ён?» (заданне ў сшытку № 5). Вучні дзеляцца сваёй творчасцю.

Катэхет прапаноўвае вучням пісьмова адказаць на пытанне (заданне ў сшытку № 6):

Як ты разумееш наступныя выказванні Езуса?

— Будзьце міласэрнымі, як і Айцец ваш міласэрны (Лк 6, 36).

— Будзьце дасканалымі, як дасканалы Айцец ваш Нябесны (Мц 5, 48).

Як вы можаце рэалізаваць гэтыя словы у паўсядзённым жыцці? (заданне ў сшытку № 7).

Разважанне

Катэхет задае вучням пытанні:

— Што мой Нябесны Айцец робіць для мяне?

— Ці ўдзячны я Яму? У чым гэта праяўляецца?

— Чым я падобны да майго Нябеснага Айца?

— Ці добры я сын для Нябеснага Айца?

— Як я выконваю волю майго Нябеснага Айца? Ці паслухмяны я Яму?

— Што мне трэба зрабіць для таго, каб быць годным сынам/дачкою Нябеснага Айца?

— Чаму я навучыўся ад Езуса — Сына Божага?

— Што я магу і хачу зрабіць для Езуса Хрыста пасля сённяшняй сустрэчы з Ім?

Пастанова

Катэхет прапануе дзецям запісаць пастанову ў сшытак.

Хатняе заданне

— Раскажы членам сваёй сям’і і сябрам пра тое, што Езус сказаў пра Нябеснага Айца.

— На падставе вывучанага матэрыялу падрыхтуй вуснае сачыненне на тэму «Твой Нябесны Айцец — які Ён?»

Заключная малітва

Уявіце, што вы бачыце Езуса Хрыста… Вы чуеце, як Ён звяртаецца да вас: «Не шукай волі сваёй, але волі твайго Нябеснага Айца…»

Не адгукайцеся… Проста слухайце, як Ён зноў і зноў паўтарае: «Не шукай волі сваёй, але волі твайго Нябеснага Айца…» Хай Яго словы пранізваюць вас, хай яны гучаць у вашым сэрцы…

Слухайце… Словы Езуса пабуджаюць вас адказаць Яму… Маўчыце да таго часу, пакуль вы не адчуеце, што ўжо не маеце моцы стрымлівацца, і тады адкажыце Пану так, як загадвае вам ваша сэрца.