Лттар Лигасының құрылуын түсіндіріңіз

Ұлттар лигасы - "халықтар арасында әріптестікті дамытып, олардың бейбітшілігі мен қауіпсіздігінің кепілі" болуды мақсат тұтатын х/лық ұйым. 1919-1920 жж. Париж бейбіт конф/да құрылған 'Ұлттар Лигасының Жарғысы' бастапқыда 44 мемл/пен, оның ішінде соғыста Антанта жағында болған 31 мемл/пен және соғыста бейтараптық ұстанған 13 мемл/пен бекітілді. АҚШ Ұлттар Лигасының Жарғысын бекітпей, оның құрамына кірмей қалды.Ұлттар Лигасының негізгі органдары Ұлттар Лигасының Ассамблеясы және Кеңесі болды. Ұлттар Лигасында дербес ұйымдар дәрежесінде халықаралық әділ соттың Тұрақты палатасы, Халықаралық еңбек ұйымы және т.б. құрылды. Ұлттар Лигасының негізгі органдары Женевада орналасты.Мұндай ауқымдағы х/лық ұйымның құрылуының нег. алғышарттары Бүкіләлемдік пошта одағы, Қызыл Крест, Гаага конф/ры және Тұрақты арбитражды сот сияқты ұйымдар болды.Ұлттар Лигасы I д/ж соғыстың аяқ шенінде Ян Шмутц, лорд Роберт Сесил, Леон Буржуа сынды көрнекті саясаткерлер, қоғам қайраткерлерінің идеяларының іс жүзіне асуымен пайда болды. Егер бастапқыда Ұлттар Лигасының мүшелері I д/ж соғыста жеңіске жеткен елдер, сондай-ақ бейтарап елдердің көпшілігі болса, кейінірек басқа мемл/р де кірді: Болгария (1920), Австрия (1920), Венгрия (1922), Германия (1926), Мексика (1931), Түркия (1932). 1930-жж. ортасында Герм., Италия және Жапония тарапынан қауіптің өсуіне байл/ты Ұлттар Лигасының 30 мүше-мемлекеті КСРО-ға ұйымға кіруге ұсыныс жасады. 1934 ж. 18 қыркүйекте КСРО Ұлттар Лигасына мүше болып, Кеңесте тұрақты орын алды (1939-1940 жж. кеңес-финляндиялық соғыстың басталуынан кейін Ұлыбр. мен Фр/ң бастамасымен Ұлттар Лигасының Кеңесі 1939 ж. 14 желтоқсанда КСРО-ны құрамынан шығару жөнінде шешім қабылдады).Қызметінің бастапқы жж.-да Ұлттар Лигасы бірқатар хал/қ дауларды шешті. Ұлттар Лигасы босқындарға көмек көрсетіп, құлдар сатуды, опиум сатуды ауыздықтап, алғаш рет қоғамдық денсаулық сақтау жағдайына зерттеу жүргізді, мұқтаж елдерге қаржылай көмек көрсетті, еңбек және жұмыспен қамту саласында хал/қ әріптестікті дамытты.Алайда уақыт өте келе ұйым қызметінің тиімділігі күн санап төмендей берді. 1940 ж. Ұлттар Лигасы іс жүзінде өз қызметін тоқтатты. Хал/қ еңбек ұйымы (ХЕҰ) Ұлттар Лигасынан дербес қызметін жалғастыра берді, кейіннен БҰҰ жүйесінің арнайы мекемелерінің бірі болды. Ресми түрде Ұлттар Лигасы 1946 жылы сәуірде арнайы шақырылған Ассамблеяның шешіміне сәйкес өз жұмысын тоқтатты.Ұлттар Лигасы - БҰҰ-ның құрылуына негіз болған, егемен мемлекеттердің халықаралық ұйымының алғашқы үлгісі. Ұлттар Лигасын құру тәжірибесі басқа ұйымдарды құруда қолданылды.