Word мәтін редакторының атқаратын қызметі

Өзінің жұмыс істеу мүмкіндіктерін кеңдігінің арқасында Word күнделікті жұмыста құжаттарды өңдеумен қатар баспа жұмысында да әр түрлі кітап, газет, журнал шығаруда да кең қолданылады.

Word программасымен жұмыс істеу барысында мынадай мүмкіндіктер бар:

· құжаттарды экран бетінде көрудің бірнеше тәртібін (режимін) қолдану;

· мәтін фрагменттерін (үзіндісін) жеке өңдеу - жылжыту, көшіру, қарпін өзгерту, өшіру, т.б.;

· көшіру, өшіру, жылжыту әрекеттерінде алмастыру буферін қолдану;

· сөздерді автоматты түрде тасымалдау, автоматты түрде орфографияны тексеру және синонимдерді іздестіру;

· мәтіндегі сөз тіркестері мен қысқа сөздер аббревиатурасының толық мәнін алу мақсатында автоалмастыру тәсілдерін қолдану;

· әр алуан қаріп (шрифт) түрлерін қолдану және мәтіндегі символдарды ерекшелеп белгілеуге арнайы тәсілдерді қолдану;

· азат жолдарды, солға ұмтылыстарды (выступ) автоматты түрде енгізу;

· мәтін шетіндегі бос орындар өрісін (поля) өзгерту, жоларалық қашықтықты, азат жол мөлшерін сақтау, табулация санын, енін өзгерту, сөздерді жиектеу және көлеңкелеу;

· құжаттарды автоматты түрде форматтау тәсілдерін қолдану, безендірудің бар стильдерін пайдалану және меншікті стиль жасау;

· беттер (парақтар) форматтаудың барлық параметрлерін өзгерту (бет көлемін, беттің жылжу бағытын таңдау - кітаптық немесе альбомдық), колонтитул кіргізу, бетті, жолды нөмірлеу, сілтемелер (сноска) жасау, тізімдік бюллетеньдер енгізу, иерархиялық, көп деңгейлі тізімдер құрастыру;

мәтінді орналастыруда кестелерді қолдану, оны безендіру, өзгерту, біріктіру;

· графикалық суреттер салу, оларды өзгерту, жылжыту;

· газеттік бағандарды (колонкалар) пайдалану;

· құжатқа диаграммалар енгізу, дайын графикалық объектілерді құжатқа енгізу;

· жаңа құжаттарды жасау үшін файлдың дайын үлгісі мен форматын (пішімін) пайдалану;

· арифметикалық есептер шығару;

· құжаттарға алфавиттік көрсеткіш енгізу, мазмұн жасау мен суреттер көрсеткішін енгізуді автоматтандыру;

· құжаттарды бөлу, біріктіру, желі арқылы жөнелту, қағазға басу, т.с.с.