Гравитациялық байыту әдістерін сұрыптау

Гравитациялық байыту әдістері күрделі көпкомпонентті және көпфазалық жүзгілерде атқарылады. Минералдық түйіршіктердің жіктелуі бөлінудің бір белгісімен гидро және аэродинамикалық әрекетімен атқарылады. Бөліну белгілері ретінде қызмет атқаратын: бөлуші ортаның реологиялық параметрлері; ортаның реологиялық параметрлеріне бірдей әсерін тигізетін электрлік және магниттік өрістер; өзгермелі сұйық ағынындағы түйіршіктердің қозғалу жылдамдығы; көлбеу бетпен ағатын сұйық ағынындағы түйіршіктердің жылдамдығы; тік бағытта ағатын сұйық ағынындағы түйіршіктердің жылдамдығы; жуып-шаю ж.т.б.

Гравитациялық байыту әдістері бөліну белгілердің түрлеріне байланысты келесідей боп сұрыпталады:

1. Гравитациялық байыту орталарында жіктелу:

гидравликалық, пневматикалық;

ауырсұйықтықты;

суспензиялық (гидравликалық және пневматикалық);

электролиттік (магнитогидродинамикалық сепарация)

2. Бөлуші ортаның іркілмелі ағынында түйіршіктердің жіктелуі:

гидравликалық және пневматикалық отсадкалау;

дірілді науаларда байыту;

пневматикалық сепарация;

пульсаторларда байыту.

3. Көлбеу бетпен ағатын су ағынында түйіршіктердің жіктелуі:

науаларда байыту;

шлюздерде байыту;

бөлшекті ағымды концентраторларда байыту;

винттік сепараторларда байыту;

концентрациялау столдарда байыту.

4. Қисық бағытты ағымдар орталарында түйіршіктердің жіктелуі:

гидроциклондарда байыту;

центрифугаларда байыту.

5. Тік бағытталған ағындар орталарында түйіршіктердің жіктелуі:

гидравликалық және пневматикалық сұрыптау.

6. Түйіршіктердің орталарда шөгіу:

қойылдыру.

7. Жуып-шаю

Пайдалы қазбаларды байыту тәжірибесінде гравитациялық әдістерді қолдану келесі көрсеткіштермен анықталады: байытылатын өнімнің заттық құрамымен; түйіршіктердің бөліну ірілігімен; байытылатын пайдалы қазбалардың сипаттамаларымен; региондардың климаттық жағдайларымен; технико-экономикалық көрсеткіштермен.