Глава 26. Тайöс ставсö висьталöм бöрын Исус шуис велöдчысьясыслы: 2 «Кык лун мысти, Тi тöданныд

Тайöс ставсö висьталöм бöрын Исус шуис велöдчысьясыслы: 2 «Кык лун мысти, Тi тöданныд, Ыджыд лун лоö. Тайö кадö Морт Пиöс вузаласны да крестö тувъяласны». 3 Аркирейяс, Индöдö велöдысьяс да пöрысьяс чукöртчисны Каиаф нима аркирей керкаö. 4 Найö сёрнитчисны ылöдлöмöн босьтны Исусöс да вины. 5 Но шуисны, Ыджыд лунö Пo оз ков, öд йöзыс вермасны шызьыны. 6 Исус вöлi Вифания сиктын, проказаысь бурдöм Симон ордын. 7 Исус дiнö локтiс ань, сiйö вайис вальдi дозйын дона вый. Исуслöн сёйигöн ань кисьталiс выйсö Исуслы юр вылас. 8 Велöдчысьяс аддзисны да пондiсны шуасьны: «Мыйла, бара, лотö-а? 9 Тайö выйсö позис ыджыд донысь вузавны да сьöмсö сетны гöльяслы». 10 Тайöс казялöмöн Исус шуис налы: «Мыйла Тi шöйöвоштанныд аньсö? Сiйö буртор вöчис Меным. 11 Гöльяс пыр лоасны тiянкöд, а Ме тiянкöд ог пыр ло. 12 Выйöн киськалöмнас аньыс дасьтiс Менö дзебигкежлö. 13 Веськыда висьтала тiянлы: муюгыд пасьтала, кöнi висьталасны тайö Евангелльöсö, сэнi казьтыштасны тайö аньсö да висьталасны, мый сiйö вöчис». 14 Искариот Иуда вöлi дас кык велöдчысьысь öти. Сiйö мунiс аркирейяс дiнö 15 да шуис:. «? Мый сетанныд, вузала Кo тiянлы Исусöс» Найö вöзйисны сылы комын эзысь сьöм 16. Сэксянь Иуда пондiс корсьны лöсялан кад, медым вузавны Исусöс 17 Шомтöм нянь сёян лунъяс дырйи медводдза лунö Исус дiнö локтiсны велöдчысьясыс да юалiсны: «Кöнi кöсъян сёйны Ыджыд лунся ыжöс? Ми мунам да дасьтам». 18 Исус шуис: «Мунöй карö сэтшöмтö морт дiнö да висьталöй сылы:" Велöдысь шуис:. Менам кадöй матысмö Тэ ордын велöдчысьяскöд пасъя Ыджыд лунсö ".» 19. Велöдчысьяс вöчисны Исуслöн тшöктöм серти, дасьтiсны Ыджыд лунся сёян 20 Рытнас Исус пуксис дас кыкнан велöдчысьыскöд сёйны. 21 Сёйиганыс шуис налы: «Веськыда висьтала тiянлы: тiян пиысь öти вузалас Менö». 22 Шогö усьöмöн быдöн кутiс юасьны: «Ог-O ме, Господьöй?» 23 Исус вочавидзис: «Менö вузалысь Мекöд öти тасьтiысь сёйö. 24 Морт Пи мунö, кыдзи гижöма Сы йылысь. Но курыд шог Сiйöс вузалысьлы! Бурджык сылы вöлi, эз чужлы Кo». 25 Сэки Сiйöс вузалысь Иуда шыасис: «Велöдысьöй, абу-O ме» Исус вочавидзис: «Тэ шуин». 26 Сёйиганыс Исус босьтiс нянь, Енмöс аттьöалöмöн чегис няньсö да велöдчысьяслы сетiгас шуис: «Босьтöй, сёйöй, тайö Менам Яй». 27 Сэсся босьтiс чаша, аттьöалiс Енмöс да велöдчысьяслы сетiгас шуис:. «Юöй татысь быдöн 28 Тайö Менам Вир - Выль Йитöдлöн Вир - киссьö уналысь мыжъяссö прöститöм вöсна. 29 Висьтала тiянлы: öнiсянь ог понды юны тайö виноград юансö сiйö лунöдз, кор понда юны тiянкöд выльöс Менам Батьлöн Юраланiнын». 30 Енлы сьылöм бöрын найö кайисны Олив керöсö. 31 Исус шуис велöдчысьясыслы: «Тавой Тi ставныд эновтанныд Менö. Гижöма: "Видзысьсö кувмöн дойда, да ыжъясыс разаласны". 32 Ловзьöм бöрам Ме виччыся тiянöс Галилеяын». 33 Петыр шуис: «Ставныс Кo эновтасны Тэнö, ме ог». 34 Исус вочавидзис: «Веськыда висьтала тэныд: тавой петук чукöсттöдз на тэ куимысь соссян Меысь». 35 Петыр шуис: «Весиг Кo кувны ковмас Тэкöд, ог соссьы». Тадзи шуалiсны тшöтш мукöд велöдчысьыс. 36 Сэсся Исус велöдчысьясыскöд локтiс Гефсиманö. Сiйö шуис налы: «Пукалыштöй танi, Ме ветла кевмысьны». 37 Аскöдыс босьтiс Петырöс да Зеведейлысь кыкнан писö. Исусöс гажтöм да шогалöм босьтiс. 38 Сiйö шуис: «Шогöй кувмöн топöдö лолöс. Олыштöй танi Мекöд да энö узьöй». 39 Ачыс водзлань муныштiс да чужöмнас муö уськöдчöмöн кевмысис: «Батьöй, позьö Кo, вешты Ме дiнысь тайö чашасö. Сöмын мед лоас Тэнад кöсйöм серти, а оз Менам». 40 Исус матыстчис велöдчысьяс дiнас да аддзис: найö унмовсьöмаöсь. Петырлы шуис: «Öти час весиг энö вермöй узьтöг олыштны Мекöд. 41 Энö узьöй, кевмысьöй, мед ыштöдöмыс эз вермы тiянöс. Лолыд öд пыр дась, а вир-яйыд жеб». 42 Исус мöдысь мунiс да бара кевмысис:. «Батьöй, Ме дiнысь Кo оз позь вештыны тайö чашасö, а Меным Кo колö юны сiйöс, мед лоас Тэнад кöсйöм серти» 43 Локтöм бöрас бара аддзис: велöдчысьяссö унмыс топыда личкöма. 44 Исус колис найöс да бара мунiс, воддза мозыс коймöдысь кевмысис. 45 Сэсся локтiс велöдчысьяс дiнас да шуис налы: «Пыр на узянныд да шойччанныд? Кадыс воис. Морт Пиöс мыжаяс киö сетöны. 46 Чеччöй, мунамöй. Менö вузалысь матын нин». 47 Исуслöн сёрнитiгкостi локтiс Иуда, дас кык велöдчысьысь öти. Сыкöд тшöтш локтiсны зоръясöн да уна шыпуртъясöн йöз. Найöс мöдöдöмаöсь аркирейяс да пöрысьяс. 48 Исусöс вузалысь шуöма локтöмаяслы, кодöс Пo окышта, Сiйöс и босьтöй. 49 Иуда веськыда мунiс Исус дiнö да шуис: «Видза олан, Велöдысьöй», сэсся окыштiс Сiйöс. 50 Исус шуис сылы: «Ёртöй, та понда -О тэ локтiн»Сэки кытшалiсны да босьтiсны Исусöс!. 51 Исускöд вöлысьясысь öти перйис шыпуртсö да керыштiс аркирей кесйöглысь пельсö. 52 Исус шуис сылы: «Бöр сюй шыпурттö. Шыпурт босьтысь шыпурт помысь кулас. 53 Он öмöй тöд, Ме Кo öнi кора Батьöйлысь, Сiйö вермас мöдöдны уна дас сюрс анделöс. 54 сэки Кыдзи нo Гижöдъясыс инасны? Сэнi шуöма, тадзи колö лоны». 55 Йöз чукöрлы Исус шуис: «Лёк вöчысьöс моз-зорйöн шыпуртöн локтiнныд босьтны Менö. Ме быд лун тiян крамын пукалi-велöдi, да Тi энö босьтöй Менö. 56 Ставыс тадзи артмис, медым инiсны гижöдъяс пророк». Сэки велöдчысьяс ставныс эновтiсны Исусöс да пышйисны. 57 Исусöс кутысьяс вайöдiсны Сiйöс Каиаф аркирей ордö, кöнi вöлi чукöртчöмаöсь Индöдö велöдысьяс пöрысьяскöд. 58 Петыр бöрö кольччöмöн вöтчис Исус бöрся аркирей керка дорöдз. Пырис йöрас да пуксис кесйöгъяскöд орччöн - кöсйис помсö аддзывны. 59 Аркирейяс, пöрысьяс да став веськöдлан котырыс корсисны Исуслы паныд ылöгвисьталысьясöс, медым сэсся мыждыны да вины Сiйöс. 60 Уна пöръясьысь волiс, но колана висьталысьыс эз сюр. Бöрынджык нöшта кык ылöгвисьталысь локтiсны. 61 Найö висьталiсны: «Сiйö шулiс, верма Пo Енлысь крамсö жугöдны, сэсся Пo куим лунöн сiйöс бöр лэптыны». 62 Сэки аркирей сувтiс да юалiс Исуслысь: «Мый воча шуан?» 63 Исус чöв олiс.Аркирей шуис: «Ловъя Ен водзын висьтав миянлы, Тэ-O Кристос, Ен Пи». 64 Исус вочавидзис: «Тэ шуин. Висьтала тiянлы: öнiсянь аддзанныд Морт Пиöс, Ставсöвермысьлöн веськыдладорас пукалысьöс да кымöръяс вылын локтысьöс». 65 Сэки аркирей косялiс ассьыс паськöмсö да шуис: «Сiйö Енмöс омöльтö! Висьталысьяс миянлы оз нин ковны, Тi асьныд кывлiнныд Сылысь омöльтöмсö. 66 Мый шуанныд»Вочавидзисны:«Мыжа! Вины Сiйöс»! 67 Сэсся сьöлалiсны Исуслы чужöмас, нöйтiсны Сiйöс да чужöмас кучкалöмöн 68 шуалiсны: «Висьтав, Кристос, кодi кучкис Тэнö»? 69 Петыр пукалiс йöрас. Öти кесйöг ань матыстчис сы дiнö да шуис: «Тэ тшöтш галилеяса Исускöд вöлiн». 70 Петыр став йöз водзас соссис: «Ог гöгöрво, мый висьталан», 71 сэсся вешйис дзиръя дорö. Петырöс казялiс мöд ань да шуис сэнi сулалысьяслы: «Тайö мортыс Назаретса Исускöд вöлi». 72 Петыр бара соссис, чорыда шуис: «Ме ог тöд тайö Мортсö!» 73 Бöрынджык сэнi сулалысьяс матыстчисны да шуисны Петырлы: «Тэ дзик на пиысь, сёрниыд на кодь». 74 Петыр енмасьöмöн пондiс соссьыны: «Ог тöд тайö Мортсö». Дзик пыр кылiс петуклöн чукöстöм. 75 Сэки Петырлы уси тöд вылас Исуслöн шуöмыс: «Петук чукöсттöдз на тэ куимысь соссян Меысь». Петыр петiс да курыда бöрддзис.