И ны́не и при́сно и во ве́ки веко́в. Ами́нь. Богоро́дичен: Ны́не ча́яние язы́ков от Де́вы предгряде́т,/ и Вифлее́м заключе́нный отверза́ет све́тло

Богоро́дичен: Н ы́не ча́яние язы́ков от Де́вы предгряде́т,/ и Вифлее́м заключе́нный отверза́ет све́тло Еде́ма,// Сло́во воплоща́емое прие́мля, и в я́слех пло́тию возле́гшаго.

По вхо́де:

Тропа́рь воскре́сный, глас 4:

С ве́тлую Воскресе́ния про́поведь/ от А́нгела уве́девша Госпо́дни учени́цы/ и пра́деднее осужде́ние отве́ргша,/ апо́столом хва́лящася глаго́лаху:/ испрове́ржеся смерть,/ воскре́се Христо́с Бог,// да́руяй ми́рови ве́лию ми́лость.

Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

Конда́к пра́отцев, глас 6:

Р укопи́саннаго о́браза не поче́тше,/ но Неопи́санным Существо́м защити́вшеся, треблаже́ннии,/ в по́двизе огня́ просла́вистеся,/ среде́ же пла́мене нестерпи́маго стоя́ще, Бо́га призва́сте:/ ускори́, о Ще́дрый, и потщи́ся, я́ко Ми́лостив, в по́мощь на́шу,// я́ко мо́жеши хотя́й.

Проки́мен, глaс 4, песнь отце́в:

Б лагослове́н еси́, Го́споди Бо́же оте́ц на́ших,/ и хва́льно и просла́влено И́мя Твое́ во ве́ки.

Стих: Я́ ко пра́веден еси́ о всех, я́же сотвори́л еси́ нам.

Аллилуа́рий пра́отцев, глас 4:

М оисе́й и Ааро́н во иере́ех Его́,/ и Самуи́л в призыва́ющих И́мя Его́.

Стих: П ризыва́ху Го́спода, и Той послу́шаше их.

Прича́стен воскре́сный:

Х вали́те Го́спода с небе́с, хвали́те Его в вы́шних.

Прича́стен пра́отцев:

Р а́дуйтеся, пра́веднии, о Го́споде, пра́вым подоба́ет похвала́. А ллилу́ия. (Трижды)

[1] Встречается приходская традиция на воскресном всенощном бдении петь только первый антифон 4 гласа:

Степе́нна, глас 4:

1 Антифо́н:

Хор: О т ю́ности моея́/ мно́зи бо́рют мя стра́сти,/ но Сам мя заступи́// и спаси́, Спа́се мой.

Н енави́дящии Сио́на,/ посрами́теся от Го́спода,/ я́ко трава́ бо огне́м// бу́дете изсо́хше.