Великим праздникам

На Покров: Велича́ем Тя,/ Пресвята́я Де́во,/ и чтим покро́в Тво́й честны́й:/ Тя бо ви́де святы́й Андре́й на возду́се,/ за ны Христу́ моля́щуюся.

Рождеству Предтечи: Велича́ем тя,/ Предте́че Спа́сов Иоа́нне,/ и чтим е́же от непло́дове/ пресла́вное рождество́ твое́.

Усекновению главы Предтечи: Велича́ем тя,/ Крести́телю Спа́сов Иоа́нне,/ и почита́ем вси честны́я твоея́ главы́/ усекнове́ние.

ВЕЛИЧАНИЯ БОГОРОДИЦЕ

Богородице на праздники икон: Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ им же то́чиши исцеле́ния всем с ве́рою притека́ющим.

Богородице общее: Досто́йно есть велича́ти Тя, Богоро́дице, честне́йшую Херуви́м, и сла́внейшую без сравне́ния Серафи́м.

Казанской иконе Божией Матери: Велича́ем Тя,/ Пресвята́я Де́во,/ и чтим о́браз Твой святы́й,/ от него́же истека́ет благода́тная по́мощь/ всем, с ве́рою притека́ющим к нему́.

ВЕЛИЧАНИЯ СВЯТЫМ

Святым Ангелам и прочим безплотным Силам: Велича́ем Вас/, Арха́нгели и Ангели и вся во́инства,/ Херуви́ми и Серафи́ми,/ сла́вящие Го́спода.

Пророку единому: Величаем тя,/ проро́че Бо́жий [имя рек],/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.

Апостолу единому: Величаем тя,/ апостоле Христов [имя рек]/ и чтим боле́зни и труды́ твоя́,/ имиже труди́лся еси/ во благове́стии Христо́ве.

Апостолам: Велича́ем вас,/ святи́и апо́столи [имя рек],/ весь мир уче́ньми свои́ми просвети́вшия/ и вся концы́/ ко Христу́ приве́дшия.

Святителю единому: Величаем тя,/ святи́телю о́тче [имя рек],/ и чтим святу́ю па́мять твою́/ ты бо мо́лиши за нас/ Христа́ Бо́га на́шего.

Святителям: Велича́ем вас/ святи́телие вели́ции,/ и чтим святую па́мять ва́шу:/ вы бо мо́лите за нас/ Христа́ Бога на́шего.

Преподобному и Преподобноисповеднику: Ублажа́ем тя,/ преподо́бне отче [имя рек],/ и чтим святу́ю па́мять твою́,/ наста́вниче мона́хов/ и собесе́дниче а́нгелов.

Преподобным: Ублажа́ем вас, преподо́бные отцы́,/ и чтим святу́ю па́мять ва́шу,/ наста́вницы мона́хов/ и собесе́дницы а́нгелов.

Мученику единому: Велича́ем тя,/ святы́й му́чениче [имя рек],/ и чтим честна́я страда́ния твоя́,/ я́же за Христа́ претерпе́л еси́.

Мученикам: Велича́ем вас,/ страстоте́рпцы святи́и,/ и чтим честна́я страда́ния ва́ша,/ я́же за Христа́ претерпе́ли есте́.

Священномученику единому: Велича́ем тя,/ священному́чениче [имя рек],/ и чтим святу́ю па́мять твою́:/ ты бо мо́лиши за нас/ Христа́ Бо́га на́шего.

Священномученикам: Велича́ем вас,/ священному́ченицы Христо́вы,/ и чтим святу́ю па́мять ва́шу:/ вы бо мо́лите за нас/ Христа́ Бо́га на́шего.

Преподобномученику единому: Ублажа́ем тя,/ преподобному́чениче [имя рек],/ и чтим святу́ю па́мять твою́,/ наста́вниче мона́хов/ и собесе́дниче а́нгелов.

Преподобномученикам: Ублажа́ем вас,/ преподо́бнии му́ченицы,/ и чтим святу́ю па́мять ва́шу,/ наста́вницы мона́хов/ и собесе́дницы а́нгелов.

Мученице единой: Величаем тя,/ страстоте́рпице Христо́ва [имя рек],/ и чтим честно́е страда́ние твое́,/ е́же за Христа́ претерпе́ла еси́.

Мученицам: Велича́ем вас,/ страстоте́рпицы святы́я,/ и чтим честна́я страда́ния ва́ша,/ я́же за Христа́ претерпе́ли есте́.

Преподобной жене: Ублажа́ем тя,/ преподо́бная ма́ти [имя рек],/ и чтим святу́ю па́мять твою:/ ты бо мо́лиши за нас/ Христа́ Бо́га на́шего.

Преподобным женам: Ублажа́ем вас,/ преподо́бнии ма́тери,/ и чтим святу́ю па́мять вашу:/ вы бо мо́лите за нас,/ Христа́ Бо́га на́шего.

Преподобномученице единой: Велича́ем тя,/ страстоте́рпице свята́я [имя рек],/ и чти́м святу́ю па́мять Твою́:/ ты бо мо́лиши за нас/ Христа́ Бо́га на́шего.

Священноисповеднику: Велича́ем тя,/ святи́телю о́тче [имя рек],/ и чтим святую память твою,/ ты бо мо́лиши за нас/ Христа́ Бо́га нашего.

Безсребреникам: Величаем вас,/ чудотворцы славнии [имярек],/ и чтим честна́я страдания ваша,/ яже за Христа претерпели есте́.

Христа ради юродивому: Ублажаем тя,/ святый пра́ведный [имя рек],/ и чтим святу́ю па́мять твою́:/ ты бо мо́лиши за нас/ Христа́ Бо́га на́шего.

Перенесение Нерукотворенного образа Господа Иисуса Христа: Велича́ем Тя,/ Живода́вче Христе,/ и почита́ем вси Пречи́стаго ли́ка Твоего́/ пресла́вное изображе́ние.

Кириллу и Мефодию: Велича́ем вас,/ святи́и равноапо́стольнии Мефо́дие и Кири́лле,/ вся слове́нския страны́ уче́ньми свои́ми просвети́вшия/ и ко Христу́ приве́дшия.

Антифоны вседневные (будничные, поются редко):

Антифон 1-й 1. Бла́го есть испове́датися Го́сподеви,/ и пе́ти и́мени Твоему, Вы́шний.

Припев: Моли́твами Богоро́дицы, Спа́се, спаси́ нас.

2. Возвеща́ти зау́тра ми́лость Твою,/ и и́стину Твою́ на вся́ку нощь.

3. Яко прав Госпо́дь Бог наш,/ и несть непра́вды в Нем.

4. Сла́ва, и ны́не...

Антифон 2-й 1. Госпо́дь воцари́ся,/ в ле́поту облече́ся.

Припев: Моли́твами святы́х Твои́х, Спа́се, спаси́ нас.

2. Госпо́дь воцари́ся, в ле́поту облече́ся,/ облече́ся Госпо́дь в си́лу, и препоя́сася.

3. Ибо утверди́ вселе́нную,/ я́же не подви́жится.

4. Свиде́ния Твоя́ уве́ришася зело́:/ до́му Твоему́ подоба́ет святы́ня, Го́споди, в долготу́ дний.

Сла́ва, и ны́не... Единоро́дный Сы́не...

Антифон 3-й 1. Прииди́те возра́дуемся Го́сподеви,/ воскли́кнем Богу Спаси́телю на́шему.

Припев: Спаси́ ны, Сы́не Бо́жий,/ во святы́х ди́вен сый пою́щия ти: аллилу́иа.

2. Предвари́м лице́ Его во испове́дании,/ и во псалме́х воскли́кнем Ему́:

3. Яко Бог Ве́лий Госпо́дь,/ и Царь Ве́лий по всей земли.

4. Яко в руце́ Его вси концы́ земли́,/ и высоты́ гор Того́ суть.

5. Яко Того есть море, и Той сотвори е,/ и сушу руце Его создасте.