Литургия оглашенных

ЛИТУРГИЯ СВЯТИТЕЛЯ ИОАННА ЗЛАТОУСТА

Выделенное жёлтым поётся или читается не всегда, зелёным выделены возгласы диакона, священника и чтеца, голубым – тропари и кондаки.

Возглас: Благослове́нно Ца́рство... Хор: Ами́нь.

Вели́кая ектенья́:

Ми1ром Го1споду помо1лимся. Хор: Го1споди, поми1луй.

Возглас в конце: Я!ко подоба1ет Тебе1… Хор: Ами1нь.

Антифон 1-й:

Благослови́ душе́ моя Го́спода,/ благослове́н еси Го́споди.

Благослови́ душе́ моя Го́спода,/ и вся вну́тренняя моя́ и́мя свято́е Его́.

Благослови́, душе́ моя́, Го́спода,/ и не забыва́й всех воздая́ний Его́:

Очища́ющаго вся беззако́ния твоя́,/ исцеля́ющаго вся неду́ги твоя́.

Избавля́ющаго от истле́ния живо́т твой,/ венча́ющаго тя ми́лостию и щедро́тами.

Исполня́ющаго во благи́х жела́ние твое́,/ обнови́тся я́ко о́рля ю́ность твоя́.

Щедр и ми́лостив Госпо́дь,/ долготерпели́в и многоми́лостив.

Благослови́, душе́ моя́ Го́спода/ и вся вну́тренняя моя́,/ и́мя свято́е Его́./ Благослове́н еси́, Го́споди.

Ма́лая ектенья́ первая:

Па́ки и па́ки... Хор: Го́споди, поми́луй.

Возглас в конце: Яко Твоя́ держа́ва… Хор: Ами́нь.

Антифон 2-й:

Хвали́, душе́ моя́, Го́спода:/ восхвалю́ Го́спода в животе́ мое́м,/ пою́ Богу моему́ до́ндеже есмь.

Не наде́йтеся на кня́зи, на сы́ны челове́ческия,/ в них же несть спасе́ния.

Изы́дет дух его́ и возврати́тся в зе́млю свою;/ в той день поги́бнут вся помышле́ния его́.

Блаже́н, ему́ же Бог Иа́ковль помо́щник его́,/ упова́ние его́ на Го́спода Бо́га своего́,

сотво́ршаго не́бо и зе́млю,/ мо́ре, и вся я́же в них:

храня́щаго и́стину в век,/ творя́щаго суд оби́димым,/ даю́щаго пи́щу а́лчущим.

Госпо́дь реши́т окова́нныя,/ Госпо́дь умудря́ет слепцы́,/ Госпо́дь возво́дит низве́рженныя,/ Госпо́дь лю́бит пра́ведники.

Госпо́дь храни́т прише́льцы,/ си́ра и вдову прии́мет,/ и путь гре́шных погуби́т.

Воцари́тся Госпо́дь во век,/ Бог твой, Сио́не, в род и род.

Единоро́дный Сы́не:

Сла́ва Отцу́ и Сы́ну, и Свято́му Ду́ху,/ и ны́не и при́сно, и во ве́ки веко́в, ами́нь./

Единоро́дный Сы́не и Сло́ве Бо́жий безсме́ртен сый,/ и изво́ливый спасе́ния на́шего ра́ди/ воплоти́тися от святы́я Богоро́дицы/ и Присноде́вы Мари́и,/ непрело́жно вочелове́чивыйся,/ распны́йся же, Христе́ Бо́же, сме́ртию смерть попра́вый,/ еди́н сый Святы́я Тро́ицы,/ спрославля́емый Отцу́ и Свято́му Ду́ху, спаси́ нас.

Ма́лая ектенья́ вторая(двойная, минорная):

Па́ки и па́ки... Хор: Го́споди, поми́луй.

Возглас в конце: Яко благ и человеколю́бец… Хор: Ами́нь. ВРАТА

Антифон 3-й:

Во Ца́рствии Твое́м помяни́ нас, Го́споди,/ егда́ прии́деши во Ца́рствии Твое́м.

Блаже́ни ни́щие ду́хом,/ я́ко тех есть Ца́рство Небе́сное.

Блаже́ни пла́чущии,/ я́ко ти́и уте́шатся.

Блаже́ни кро́тции,/ я́ко ти́и насле́дят зе́млю.

Блаже́ни а́лчущии и жа́ждущии пра́вды,/ я́ко ти́и насы́тятся.

Блаже́ни ми́лостивии,/ яко ти́и поми́ловани бу́дут.

Блаже́ни чи́стии се́рдцем,/ я́ко ти́и Бо́га у́зрят.

Блаже́ни миротво́рцы,/ я́ко ти́и сы́нове Бо́жии нареку́тся.

Блаже́ни изгна́ни пра́вды ра́ди,/ я́ко тех есть Ца́рство Небе́сное.

Блаже́ни есте́, егда́ поно́сят вам, и изжену́т,/ и реку́т всяк зол глаго́л на вы, лжу́ще Мене́ ра́ди.

Ра́дуйтеся и весели́теся,/ я́ко мзда ва́ша мно́га на небесе́х.