Молебен на Новый год

Церковь освящает все, что сопутствует христианину в его повседневной жизни. Одним вещам и явлениям повседневности уделяется большее внимание, другим – меньшее, но все, что окружает человека, должно быть благословлено Богом. Молебное пение на Новый год имеет своей целью прошение о благословении Божием на период жизни человека, охватываемый годовым богослужебным кругом.

Особенности чинопоследования на Новый год следующие.

1. Вместо 142‑го псалма читается псалом 64‑й: «Тебе подобает песнь, Боже, в Сионе…».

2. Ектенья «Миром Господу помолимся» дополнена особыми новогодними прошениями:

«О еже милостивно нынешнее благодарение и мольбу нас, недостойных рабов Своих, в пренебесный Свой жертвенник прияти и благоутробно помиловати нас, Господу помолимся»;

«О еже благоприятным быти молениям нашим и простити нам и всем людем Своим вся согрешения, вольная и невольная, в мимошедшем лете зле нами содеянная, Господу помолимся»;

«О еже благословити начаток и провождение лета сего благодатию человеколюбия Своего, времена же мирна, благорастворе́нны воздухи и безгрешен нам в здравии с довольством живот даровати, Господу помолимся»;

«О еже отвратити от нас весь гнев Свой, праведно на ны грех ради наших движимый, Господу помолимся»;

«О еже отгнати от нас вся душетленная страсти и растленныя обычаи, страх же Свой Божественный всадити в сердца наша, ко исполнению заповедей Его, Господу помолимся»;

«О еже обновити дух правый во утробах наших и укрепити нас в православной вере и спешных к деланию добрых дел и исполнению всех заповедей Его сотворити, Господу помолимся»;

«О еже избавити Церковь Святую Свою и всех нас от всякия скорби, беды, гнева и нужды и от всех врагов, видимых и невидимых, здравием же, долгоденствием и миром и ангел Своих ополчением верных Своих всегда ог‑радити, Господу помолимся».

3. Чинопоследование молебна на Новый год не содержит канона.

4. Перед Евангелием читается Апостол: зачало 282 из Первого послания святого апостола Павла к Тимофею (1 Тим. 2; 1‑15). Затем священник читает 13‑е зачало Евангелия от Луки (Лк. 4; 16–22).

5. Ектенья «Рцем вси…» дополнена следующими новогодними прошениями:

«Благодаряще со страхом и трепетом, яко раби непотребнии Твоему благоутробию, Спасе и Владыко наш Господи, о Твоих благодеяниих, яже излиял еси обильно на рабех Твоих, и припадаем и славословие Тебе, яко Богу, приносим и умиленно вопием: избави от всех бед рабы Твоя и всегда, яко Милостив, исполни во благих желание всех нас, прилежно молимся Ти, услыши и помилуй»;

«О еже благословити венец наступаемаго лета благостию Своею и утолити в нас вся вражды, нестроения и междоусобныя брани, подати же мир, твердую и нелицемерную любовь, благочинное же строение и добродетельное житие, молим Ти ся, Всеблагий Господи, услыши и помилуй»;

«О еже не помянути безчисленная беззакония и лукавая наша деяния, в мимошедшем лете бывшая, и не воздати нам по дело́м нашим, но в милости и щедротах помянути нас, молим Ти ся, Милосердый Господи, услыши и помилуй»;

«О еже подати дожди благовременны, ранни же и поздни, ро́су плодоносну, ветры мерны и благорастворенны, и теплоту солнечную возсияти, молим Ти ся, Всещедрый Господи, услыши и помилуй»;

«О еже помянути Церковь Святую Свою и укрепити, утвердити же, разрешити и умирити ю и невредиму адовыми враты и всеми наветы видимых и невидимых врагов непребориму во веки соблюсти, молим Ти ся, Вседержавный Владыко, услыши и помилуй»;

«О еже избавитися нам в сие грядущее лето и во вся дни живота нашего от глада, губительства, труса, потопа, града, огня, меча, нашествия иноплеменных и междоусобныя рати и всякия смертоносныя раны, скорби же и ну́жды, молим Ти ся, Милосерде Господи, услыши и помилуй».

6. Священник читает молитву, приспособленную к предмету молебного пения:

«Владыко Господи Боже наш, Источниче жизни и безсмертия, всея твари видимыя и невидимыя Содетелю, времена и ле́та во Своей власти положивый и управляяй всяческая премудрым и всеблагим Твоим Промыслом! Благодарим о щедротах Твоих, яже удивил еси на нас в мимошедшее время живота нашего. Молим Тя, всещедрый Господи, благослови венец наступающаго лета Твоею благостию. Подаждь свыше благая Твоя всем людем Твоим, здравие же, спасение и во всем благое поспешение. Церковь Твою Святую, град сей и вся грады и страны от всякаго злаго обстояния избави, мир и безмятежие тем даруяй. Тебе, Безначальному Отцу, со Единородным Твоим Сыном, Всесвятым и Животворящим Твоим Духом, во Едином Существе славимому Богу, всегда благодарение приносити и Пресвятое Имя Твое воспевати да сподобиши».