МАЗМҰНЫ. Бағыты: Ғылыми-техникалық прогресс - экономикалық өсудің негізгі буыны

ИННОВАЦИЯЛЫҚ ДАМУ ПЕРСПЕКТИВАСЫНДАҒЫ АТОМ ЭНЕРГЕТИКАСЫНЫҢ ТИІМДІЛІГІ

Бағыты: Ғылыми-техникалық прогресс - экономикалық өсудің негізгі буыны

Секция: Физика

Жетекшісі: C.Қ.Әбілғазиева,

«№ 11 МФММ» физика пәнінің мұғалімі,

педагогика және психология магистрі

Ғылыми жетекшісі:

А.Қ.Ахметов,

Ш.Есенов атындағы КМТжИУ Педагогикалық технологиялар институтының директоры, педагогика ғылымдарының докторы, профессор, Қазақстан Ұлттық Жаратылыстану Академиясының толық мүшесі

Ақтау - 2010 ж.

МАЗМҰНЫ

Абстракт (аннотация)………………………………………………… 3

І. КІРІСПЕ…………………………………………………………….. 6

ІІ. НЕГІЗГІ БӨЛІМ

2.1 Инновациялық даму перспективасындағы атом

энергетикасының қажеттілігі ………………………………………… 8

2.2 Қазіргі таңдағы өндірістегі атомның қолданылуы………………12

2.3 Қазақстанда атом өнеркәсібін дамыту перспективалары……….15

2.4 Атом электр станциясының қауіптілігін қамтамасыз ету

мүмкіндіктері………………………………………………………….19

2.5 Атом реакторының қоршаған орта мен адам

денсаулығына зиянды әсерінің алдын алу ………………………….21

2.6 Атом реакторының қауіпсіздігін жетілдірудің кейбір

тәжірибелері…………………………………………………………..23

2.7 ВБЭР-300 реакторлық қондырғысының негізгі сипаттамасы.. 25

ІІІ. ҚОРЫТЫНДЫ…………………………………………………….28

ІV. ПАЙДАЛАНЫЛҒАН ӘДЕБИЕТТЕР……………………………30

АБСТРАКТ (АННОТАЦИЯ)

Бүгінгі таңдағы ғылыми-техникалық прогресс үдерісі, жаңа технологиялардың қарыштап дамуы барған сайын жаңа ізденістерді, соны шешімдерді керек етуде. Еліміздің қазіргі инновациялық-индустриалдық даму бағдарламасында да Қазақстан ғылымының алдына нанотехнология, ІТ-технология, биотехнология, ғарыштық технология, атом энергиясын бейбіт мақсаттарға пайдалануды жетілдіру секілді жаңа міндеттер жүктеп отыр.

Зерттеу мақсат-міндеттері: Атом энергетикасын өндірудің бүгінгі күнгі жетістіктеріне, атом реакторының тиімділігіне талдау жасап, оны игеру туралы қоғамдық пікірге өз көзқарасымызды білдіру.

Бұл мақсатқа жету үшін алдымызға мынадай міндеттер қойдық:

- әлемдік ғылымдағы атом энергетикасын өндірудің бүгінгі жетістіктеріне шолу жасау; атом энергиясының маңызына, ХХІ ғасыр – атом ғасыры болатынына көз жеткізу;

- облысымызда электр энергиясын өндірудегі атом реакторының перспективасын зерделеу;

- атом реакторының қоршаған орта мен адам денсаулығына әсерін дәлелдей отырып, кейбір ұсыныстар жасау.

Зерттеу кезеңдері:

1-кезең. Ғылыми жоба тақырыбын негіздеу. Деректерді жинау, жүйелеу;

2-кезең. Жиналған материалдарды сараптау. АЭС-тегі жұмыс принциптерін зерттеу;

3-кезең. Зерттеу нәтижелерін баяндау, негізгі тұжырымдарды дәйектеу.

Зерттеудің әдіснамалық негіздері: Зерттеуде ядролық физика, атом энергетикасы, уран өндірісі мен уранды байыту бағытындағы ғылыми еңбектер мен мерзімді баспасөз материалдары басшылыққа алынды.

Зерттеу әдістемесі: ғылыми деректерді сараптай, жүйелей, жинақтай отырып, салыстырмалы талдау жасау, ғылыми тұжырымдау

Зерттеу нәтижелері мен қорытындысы:

- әлемдік атом энергетикасын өндіруде бүгінгі таңда көптеген жетістіктерге жеткендігі айқындалды;

- атом энергиясының болашақтағы перпективасы, ХХІ ғасыр – атом ғасыры болатыны алға тартылды;

- облысымызда электр энергиясын өндірудегі атом реакторының перспективасы салыстырмалы түрде зерделенді;

- атом реакторының қоршаған орта мен адам денсаулығына әсері дәлелденіп, кейбір нақты ұсыныстар жасалды.

Зерттеудің маңызы: Зерттеу нәтижелерін физика сабақтарында, танымдық шараларда, тәрбие сағаттарында қолдануға болады.