Тексеру. Картер табанындағы ысыраптар мен сызаттардыкөзбе – көз тексеру керек

Картер табанындағы ысыраптар мен сызаттардыкөзбе – көз тексеру керек. Жалғанған жерлерге мысалы, май сорабының май сору құбырына, көбіне дизель блогының картерінің табанына (поддон) мол назар аудару керек. Өлшеу сүңгішімен (шуп) қозғалтқыштағы май деңгейін тексеру керек (төмендегі «Май деңгейін тексеру» қосалқы бөліміне қараңыз). Өлшеу сүңгіштері (шуп) мен май құю сағасы қозғалтқыштың бос жағындағы қаптамаға жақын қозғалтқыштың екі жағында да болады. Май деңгейі төмен болған жағдайда сүңгішінің жанындағы май құю сағасы арқылы май үстемелеу керек. Қозғалтқыш бос айналымда жұмыс істеп тұрған кезде, май деңгейі өлшеу сүңгішінің FULL (жоғары) белгісіне дейін болса қалыпты болып табылады. Қозғалтқыш сөндірілген жағдайда май деңгейі FULL белгісінен 1 дюймға (25,4 мм) жоғары көрінеді. Картерден майды ағызу үшін құйып алу клапаны қызмет атқарады. Ол сондай-ақ қозғалтқышқа май құйу үшін де қолдануы мүмкін.

2. Май деңгейін тексеру

(1) Май деңгейі қозғалтқыштың бос жұріс режимінде тұрған кезде тексеріледі. Бұл жүйенің толығынан маймен толтырылғанын көрсетеді.

(2) Қозғалтқыш бос жұріс режимінде жұмыс істеп тұрған кезінде бос жағында қаптамаға жақын қозғалтқыштың кез келген жағынан деңгей өлшеу сүңгіштерінің біреуін суырып алып және оны тазалап сүрту керек.

(3) Деңгей көрсеткішін бағыттаушы түтік арқылы картердің ұзына бойына қайтадан енгізу керек.

(4) Көрсеткішті суырып алып, көрсеткіштегі FULL («жоғары») және LOW («төмен») белгілері аралығында болуға тиіс май деңгейін анықтау керек.

(5) Егер май деңгейі LOW белгісінен төмен болса, май құю сағасының қақпағын ашып, өлшеу сүңгішінің жанындағы май құю құбыры арқылы май үстемелеу керек. Деңгей FULL белгісіне жеткенде немесе соған жақындағында май құюды доғару керек.

(6) Май құю сағасының тығынын жауып, бұрап тастау керек.

Қауіпті! Қозғалтқыш жұміс істеп тұрған кезде картерді бақылауға арналған люктердің қақпағын ашуға болмайды. Бұл қозғалтқыштан ыстық майдың лықсып көтерілуіне байланысты, қызметкердің күйіп қалуына әкеліп соғуы мүмкін.

Май сорабы және сақтандыру клапаны