Кесар тілігі операциясы үшін құрал-саймандырды дайындауға стерилді үстелше

Мақсаты- студентті кесар тілігі операциясы үшін стерилді үстелшені құрал−саймандармен дайындауға үйрету.

Көрсетулері− кесар тілігі операциясы.

Қарсы көрсетулері -нәрестенің құрсақішілік өлімі немесе кемтарлық, өмірмен сыйыспайтын жағдайлар.

Мүмкін болатын асқынулары− қан ағу, іріңді-сепсистік асқынулар және т.б.

Ресурстары- құрал-сайман үстелше, қандауырлар (скальпели), хирургиялық пинцеттер, анатомиялық пинцеттер, корнцангтер, түзу емес қайшылар, иілген қайшылар, Фарабефтің өтпес ілмектері, іш айналары, қан тоқтататын қыспақтар, Микулич қыспақтары, Бильрот қыспағы, нөлдік қысқаштар, екітісті Мюзе қыспақтары, үлкен қырғыштар, айналы қыспақтар, инеұстағыштар, әртүрлі өлшемдегі хирургиялық инелер, Реверден қалағы, көйлек-көншек қыспалары, металл катетері, 1-ден 20мл дейін инелері бар шприцтер, стерилді көйлек-көншек, сүрткілер, шариктер, әртүрлі өлшемдегі тупферлер, тігістік материал (кетгут, жібек жіп, лавсан), операциялық үстел, сабын, орамал, микробжойғылар, спирт, бір рет киетін стерилді резенке қолғаптар,1% йоданат.

Іс –әрекет алгоритмі:

1. Қолдарыңызды гигиеналық деңгейде жуыңыз.

2. Қолдарыңызға бір рет киетін резеңке қолғаптарды киіңіз.

3. Құрал –сайман үстелшеге стерилді жаялықты төсеңіз.

4.Стерилді жаялыққа стерилді құрал-саймандарды салыңыз:

· қандауырларды;

· хирургиялық пинцеттерді;

· анатомиялық пинцеттерді;

· корнцангтерді;

· түзу емес қайшыларды;

· иілген қайшыларды;

· Фарабефтің өтпес ілмектерін;

· іш айналарын;

· қан тоқтатын қыспақтарды;

· Микулич қыспақтарын;

· Бильрот қыспағын;

· оқтық қыспақтарды;

· екі тісті Мюзе қыспақтарды;

· үлкен қырғыштарды;

· айналы қыспақтарды;

· инеұстағыштарды;

· әртүрлі өлшемдегі хирургиялық инелерді;

· Реверден қалағын;

· көйлек-көншек қыспаларын;

· металл катетерін;

· 1-ден 20мл дейін инелері бар шприцтерді;

· стерилді көйлек –көншекті, сүлгілерді, шариктерді, әртүрлі өлшемдегі тупферледі;

· тігістік материалды (кетгут, жібек жіп, лавсан).

5. Құрал-саймандарды стерилді жаялықпен жабыңыз.

6. Стерилді үстелшенің жанына қоюға стерилді мақта шариктері бар құтыны, 2 % сулы-спирттік йодтың ерітіндісін (1% йоданат) дайындаңыз.

7. Бір рет киетін резеңке қолғаптарды шешіңіз және ҚҚҚ салыңыз.

8. Қолдарыңызды сабынмен жуыңыз және орамалмен құрғатыңыз.

Ескерту. Кесар тілігі операциясын жүргізу кезінде операциялық медбике қолданылған құрал-саймандардың, сүлгілердің, шариктердің сандарына қатаң бақылау жүргізіп, осылардың операция жарақатында қалып қоюына мүмкіншілік бермеуіне ықпал жасайды.