Электростатикалық өрісте заряд орын ауыстырғанда істелетін жұмыс.

6.9 - суретте Q нүктелік зарядтың күш сызықтары және q сыншы зарядтың бастапқы (1) нүктеден соңғы (2) нүктеге орын ауыстыруының әртүрлі екі траекториясы кескінделген. Траекториялардың бірінде шексіз аз орын ауыстыру көрсетілген. Осы орын ауыстырудағы кулон күштерінің Δ A жұмысы:

6.9 - сурет q заряд орын ауыстырған кездегі кулондық күштердің жұмысы траекторияның бастапқы және соңғы нүктелерінің r 1 және r 2 арақашықтықтарына ғана тәуелді болады.

Сондықтан, шексіз аз орын ауыстыруда жұмыс зарядтар арасындағы r арақашықтыққа және оның Δ r өзгерісіне ғана тәуелді болады. Егер осы өрнекті r = r 1 –ден r = r 2-ге дейін интегралдасақ, онда келесі өрнекті аламыз: (6.16) 6.9-суретте кескінделген I және II траекторияларда кулон күштерінің жұмысы бірдей. Заряд өрістің бір нүктесінен басқа нүктесіне орын ауыстырған кезде атқарылған электростатикалық өріс күштерінің жұмысы траекторияның пішініне тәуелсіз, тек зарядтың шамасына және оның бастапқы және соңғы орнына тәуелді болады. (6.16) формуладан, заряд тұйық контур бойымен орын ауыстырғанда атқарылатын жұмыс нөлге тең екендігін байқауға болады: .