Бичиичилердиҥ чÿмдемелдериниҥ аҥылузы

М.В Чевалков бойыныҥ öйинде албатызы бичикке ÿрензин деп кöп ороондор ла jоруктап фольклорын jууп бичик эдип кепке базып чыгарган. Онойдо ок В.В Радловтыҥ сурагыла М.В Чевалков «Чöбöлкöптиҥ jÿруми» деп баштапкы чÿмдемелин бичиген, А.Я Уваровскийди тÿҥдештире кöргöндö ол тöрöл якут тилиле баштапкы самараны бичиген кижи, орус тилге кöчÿрилген чÿмдемелдерин баштапкы катап кепке базылган О.Н Бетлингтиҥ бичигинде «о языке якутов», Новосибирьскта 1990 jылда.

Кажы ла öйдö бойыныҥ аҥылу, jайалталу бичиичилер болуп jат М.В Чевалков ла А.Я Уваровский ол улустыҥ тоозында деп айдар керек. Уваровский jиит öйлоринде якут албаты керегинде кöп материалдар чогып, jайы кыжыла jол- jорукта болуп туратан. Темдектезе: М.В Чевалков алтай ичиле jоруктап албатыды jакшы jадарына кычырып туратан. Бу эки бичиичини кöргöндö олор экилбези ле бойыныҥ тöрöл тилин ÿрензин деп кычырып jат, jолында будактар да болзо кÿчсинбей öдöт. М. В. Чевалкотыҥ чÿмдемелдери jаҥыс тÿÿкиде арткан эмес. Эмдиги öйдö jаҥы, советский алтай улус олорло jилбиркеп кычырып, jаҥыс ла озогызын билип алып турган эмес, jе эмди де бойлорына кöп туза алынып турганы. Оныҥ адын мактулу эдет. Бичиичилердиҥ öткöн jолын кöрзö А.Я Уваровский бир калыктаҥ база бир калыка jорыктап jÿрерде ол соок шуурганга да алдырткан, jаашка да öткöн, сууга да тÿшкен jе оныҥ кийнинеҥ ол чöкöбöй оноҥ ары албатызы якут тилин ундыбазын деп бичиктер бичиирге албаданып, улустыҥ jадын jÿрÿмин шиҥдеп кöргöндö айдатан: якут албаты кÿндÿлÿ деп кандый ла айылга кирзе не барын столго салат, аштап суузап jÿрбезер. М.В Чевалковла А.Я Уваровскийдиҥ чÿмдемелдери жанровый jанынаҥ тÿÿкилик ле литературный jанынаҥ тÿҥей.

М.В Чевалков бичикти ÿренерге сÿрекей тыҥ кÿÿнзеген кижи, ол öйдö ÿренер тыҥ арга да болбогон jе миссионерлердиҥ болужыла бу кÿчтерди öдöрдö, jе оныҥ айканыла миссия оны чын jолдыка уладырбаган. В.В Радлов оныҥ jайалтазын корöлö орус чÿмдемелдерди алтайга кöчÿрткен, чындык jолды кöргÿзип Чевалковты Барнаулга ÿч айдыҥ туркунына кожо иштедип, ол тилмешчи болуп бичик кепе базып чыгаргандар.

Адакы сöс

Алтай литература XIX чактыҥ экинчи jарымызында тöзöлгон. Бу öйгö jетире оны jаҥысла М.В Чевалковтыҥ адыла колбоп jат, бойыныҥ jайаанын алтай албатыныҥ оос поэзиязынаҥ ла орус классический литературадаҥ ÿренип барган. Орус литература ого jaҥыс ла jаҥы жанрлар (басня, дидактический ÿлгерлер) ачарга арга берген эмес, jе оныҥ бастыра jайаанын ууландырузына салтарын jетирген.

Байат укту, мундус сööктÿ М.В Чевалков абыс болуп тура, эл-jонды бичикке ÿреткен, алтайлардыҥ салымы учун турушкан, бойыныҥ öйинде тилмешчи-кöчÿреечи болуп, бичиичи адыла jарлу. М.В Чевалковтыҥ прозазын башка-башка jанынаҥ кöргöдий: тил, тÿÿки, фольклор, литература, этнография ла оноҥ до öскö. Литература jанынаҥ кöргöжин, элдеҥ озо ол бичимелдер кандый жанр ла чÿмделгени учурлу. Тузаланган жанрларына автобиография, басня кирет, баштапкы алтай тууjыныҥ авторы болот.

Чевалков орус литератураныҥ классиктериниҥ, анчадала И. А. Крыловтыҥ, шылтуунда критический реализмниҥ jолына туруп алган деп айдар керек. Кажы ла öйдö, кажыла литературада бойыныҥ аҥылу бичиичилери бар, олор литератураны тöзöрине сÿрекей jаан иш öткÿрип jат, ондый бичиичилердиҥ тозында алтай литератураныҥ тöзööчизи М.В Чевалков, якут литературада А.Я Уваровский, бÿгÿнги кÿнге jетире эки башка литературада тÿҥей тематикалу, тÿҥей жанрларлу чÿмдемелдер, аҥылу шиҥжÿ иштер тыҥ аjаруга алынбаган.

М.В Чевалковтыҥ ла А.Я Уваровскийдиҥ jайаан jолын шиҥдеп кöргöн шиҥжÿчилер З.С Казагачева, С.С Суразаков, Н.М Киндикова,Т.С Тюхтенев, П.В Волков, Э.П Чинина Л.В Жожикова, А.А Бестужева, Н.И Мягкий, А.Д Давыдов, О.Н Белинг, И.А Гончаров, Ю.И Васильев ла оноҥ до öскöлори.

М.В Чевалковтоҥ башка бу öйликте якут укту А.Я Уваровский чÿмдемелдер бичиген.

Афанасий Яковлевич Уваровский, якут тил ле баштапкы чÿмдемелди бичиген кижи, ол jалакай, чындык патриот, якут бичимелге, кееркедим литературазына, фольклор шиҥдеерине jаан камаанын jетирген. Афонасий огоштоҥ ала эки калыктыҥ культуразы ла религиязыла jилбиркеген, якут албатыны сÿрекей тын сÿÿп, аргазы болзо болыжып та туратан.

Уваровский ле Чевалковтыҥ jайаан jÿрÿми тыҥ башка эмес, олор экилбези баштапкы чÿмдемелдер бичиген ады jарлу бичиичилер.

Уваровский огош тужында öскÿс артып, чыралап бойы алдынаҥ ÿренип jÿрген, а Чевалков миссионерлер ле кожо jÿрÿп, олордоҥ jарт эмес сурактарды jартадып бойыныҥ алтай албатызына тузалу болзын деп ÿлгерлер, тууjылар, чöрчöктöр, куучындар, кожоҥдор, кеп сöстор бичип салган. Эмдиги öйдö бу эки ады jарлу бичиичилер, олордыҥ ижи, албатыга тузазын jетиргени, ÿргÿлjиге артар.

ТУЗАЛАНГАН ЛИТЕРАТУРА

1. Суразаков, С.С Алтай литература. Суразаков. С.С // Гоно-Алтайск: Изд-во «Чаптыган» 1995. - с.14-41

2. Эдоков, В.И. Н.Чевалков. Эдоков.В.И // Горно-Алтайск: 1972.- с.9-91

3. Уваровский, А.Я Воспоминания. Уваровский. А.Я // Республика Саха (Якутия): Изд-во «Бичик» 2003.- с.68-71

4. Киндикова, Н.М Алтай литератураныҥ методиказы аайынча jетирÿлер. Киндикова. Н.М // Горно-Алтайск: 2004.- с.7,9,26,32,38,67,110,-111

5. Тюхтенев, Т.С М.В Чевалков Алтай литература керегинде статьялар.Тюхтенев. Т.С // Горно-Алтайск: Горно-Алтайск: 1962.-с.6-22

6. Тюхтенев, Т.С Алтайский просветитель. Тюхтенев. Т.С // Горно-Алтайск: «Звезда Алтая». 1961.-2 апрель

7. Усольцева, А.М. М.В Чевалков-калыктыҥ jарыткыжы. Усольцева. А.М // Горно-Алтайск: Алтайдыҥ Чолмоны 2006.-6 июнь

8. Модоров, Н.С. М.В Чевалков, его просветительская деятельность, история и культура Горного-Алтая. Модоров. Н.С // Горно-Атайск: 1991.-с.70-73

9. Волков, П.В О месте могилы писателя и священника М.В Чевалкова. Волков. П.В // Горно-Алтайск: РИО ГАГУ 2002.-с.9-11

10. Казагачева, З.С Зарождение алтайской литературы // Казагачева. З.С Горно-Алтайск: 1972. – с.9-19

11. Алтай литературанҥ тÿÿкизи учебное пособие часть 1 // РИО ГАГУ Гороно-Алтайск 2008.-с.27-36

12. Алтай литература Горно-Алтайск, 2005

13. Чевалков, М,В «Чöбöлкöптиҥ jÿрÿми» Горно-Алтайск,1980.-с.121

14. Бедюров, Б.Я Светолюбия Алтая // Бедюров. Б.Б // памятное завещание Горно-Алтайск, 1990

15. Лебедев, Ю.В Русская литература XIX века в двух частях- ЧЛ. Москва 2004.-269 С