Линкольн-Дуглас дебат форматы

Пікір-сайыстың бұл түрін – жекпе-жек деп те айтуға болады. Өйткені бұл форматта турнирде жеңу/жеңілуіне қатысы жоқ жоғары спикерлік бал алған 1 спикер басқа 1 спикермен бөлек кездеседі.

Аталмыш формат дебаттың үлкен майталмандарын көрсету керек. Бұл көрермендерді шектеулі минуттар ішінде жылата да, есінен шығартып күлдірте де алатын ОРАТОРЛАР болып табылады!!!

ФОРМАТҚА (ереже) көшетін болсақ:

Әрбір спикер өзінің түскен позициясына қарамастан келесі формат бойынша ойнау керек: (не айтуыңыз керек)

1. Қарар (тақырып)

2. Диффиниция (кілттік сөздер) – сөзіңіз барлық адамдарға түсінікті болу үшін термин сөздерге анықтама бересіз.

3. Status quo. Қалыптасқан жағдай туралы мәліметтер енгізіп кетуіңіз керек.

4. Құндылық немесе философияңыз болып табылады. Бұл – ең бастысы. Ол тек бір сөзден тұруы мүмкін, мысалы: “Өмір!” және сіз осы позицияңызды қорғап шығуыңыз керек.

5. Критерий және аргумент.

Критерий – бұл жерде құндылықты дәлелдеу үшін салаларға бөлу керек, ал аргумент осы салалардың дәлелі ретінде қолданылады. осындай критерий мен аргументтер көп болуы керек.

Мысалы:

Қарар: Адам мүмкіндігі шексіз!

Диф: Адам – жануарлар дүниесінен бөлініп шыққан ең саналы ағза немесе т.б. анықтама

Қалыптасқан жағдай: тарихтан оқиға айтуға болады, адамның жетістіктерін айтуға болады.

Құндылық: “Өмір”

Критерий: Еңбек

аргумент: тек еңбек арқылы біз жетістікке жетеміз, оның арқасында біздің мүмкіндігіміз де ұлғаяды және т.б. Көп еңбек етіп жетістікке жеткен немесе мүмкін емес нәрсе жасаған адамды айтсаңыз жақсы болады.

Критерий: Ақыл

аргумент: ақыл жетістігін мадақтайтын дәлелдемелерді келтіру керек және т.б.

6. Нәтиже. Ойыңызды қорытындылайсыз.

Бұл формат түрінде ережелерге көп бағынып керек емес, сіздің жеке ойлау қабылетіңізді және шешендік өнеріңізді тексеру үшін арналған формат.

Л-Д форматында 3 қарсылық, яғни сараптамада – жаңа аргументке қарсылық түрі жоқ, бұл жерде төреші өзі біледі.