Диплом жұмысын рәсімдеу тәртібі

6.1.5.1 Мәтіндік бөлімі келесі талаптар тұрғысынан рәсімделеді:

• А-4 форматты ақ қағазға бір интервал арқылы компьютермен теріледі;
• сол жақ – 30 мм, оң жақ – 10 мм, үсті – 20 мм, асты – 25 мм;
• шрифт Times New Roman, кегль 14;

· бет нөмірі араб цифрымен нүктесіз, беттің төменгі жағының ортасына нүктесіз қойылады.

• титулдық парақ жалпы бет санына саналады, бірақ ол жұмыста нөмірленбейді. Кіріспеге 3 саны қойылады.

6.1.5.2 Пайдаланылған әдебиеттер (сілтеме) араб санымен, квадрат жақшада жазылады [1,14] (1 рет саны, 14 бет көрсеткіші, сілтемелерді көрсетуде таңдап алынған әдіс жұмыстың басынан аяғына дейін сақталуы тиіс); жұмыс соңында пайдаланған әдебиеттер тізімі абзац арқылы алфавит ретімен емес, алынған сілтеме бойынша көрсетіледі. Мысалы:

1.Сейфуллин С. Бес томдық шығармалар жинағы. Алматы: Жазушы, 1986.-т. 5. 304 бет.

2.Нұрғазиева Г. Етістік фразеологизмдердің қазақ тілі түсіндірме сөздігінде берілуі. // Қазақ тілі түсіндірме сөздігін жасау тәжірибелері. – Алматы: Ғылым, 1989.- 97 бет.

3.Смағұлова Г. Адамның көңіл-күйін білдіретін фразеологизмдер. //Қазақ тілі мен әдебиеті. № 3,4. Алматы: 1997.- 62 бет.

6.1.5.3 Айқындалып, назар аударылатын терминдерге түрлі гарнитурлы шрифтарды пайдалануға рұқсат беріледі.

6.1.5.6 Тарау мен тараушалардың аттары мазмұнды анық және қысқа айқындап тұруы қажет. Тарау мен тараушалардың аттары абзацтан асты сызылмай, соңынан нүкте қойылмай жазылуы керек. Егер атауы екі сөйлемнен болса, онда нүктемен ажыратады.

6.1.5.7 Тараулар араб цифрымен нүктесіз, ретімен белгіленеді. Абзацтан басталады. Тараушалар екі цифрдан тұрады,нүкте арқылы ажыратылады, бірақ соңынан нүкте қойылмайды, (мысалы 2.1).

6.1.5.8 Әр тарау жаңа беттен басталады, тарау ішіндегі тараушалар өз араларында мәтіннен екі жолмен ажыратылады.

6.1.5.12 Диплом жұмысының мәтінінде берілген барлық қосымшаларға сілтеме болуы тиіс. Қосымшалар мәтіндегі сілтемелердің ретіне қарай орналасады. Әрбір қосымша жаңа беттен басталады, «қосымша» сөзі мен атауы беттің жоғарғы жағының ортасында көрсетілуі тиіс. Қосымшаның аты болуы қажет, ол жеке жолға мәтінге симметриялы түрде бас әріппен жазылады. Қосымша да нөмірленеді.

6.1.5.13 Мәтін беттері барлық қосымшалармен бірге тігіледі. Диплом жұмысын барлық құрамымен арнайы папкаға түптету қажет.