IV група. Галоўны герой — глуханямы (Мк 7, 31–37)

Аўтар: І зноў выйшаў Езус з межаў Тыра і прайшоў праз Сідон да Галілейскага мора, пасярод зямель Дэкаполіса. І прывялі да Яго глуханямога, і прасілі, каб усклаў на яго руку. Адвёўшы яго далей ад натоўпу, Езус паклаў у яго вушы свае пальцы і, паслініўшы, дакрануўся да ягонага языка. Паглядзеўшы на неба, уздыхнуў і сказаў яму:

Езус: «Эффата»,

Аўтар: што значыць: «Адкрыйся». І адразу адкрыліся вушы ягоныя і развязаліся путы языка ягонага, і пачаў гаварыць выразна. Тады Езус загадаў ім, каб нікому не казалі. Але колькі ні забараняў ім, яны апавядалі яшчэ больш. Будучы надзвычай здзіўленымі, яны казалі: «Ён зрабіў ўсё добра: учыніў, што глухія чуюць, а нямыя гавораць!»

Вучні паказваюць сцэнкі.

Катэхет задае вучням пытанні:

— Які момант са сцэнак для вас быў самым хвалюючым?

— Што вы зразумелі з гэтых сцэнак?

— Якія словы і дзеянні Езуса Хрыста вам найбольш запомніліся?

— Што неабходна чалавеку, каб атрымаць ласку аздараўлення?

Катэхет прапаноўвае вучням самастойна папрацаваць з тэкстам (заданне ў сшытку № 2).

Выкарыстоўваючы біблійныя тэксты — Мк 1, 40–45; Мк 10, 46–52; Лк 5, 17–26; Мк 7, 31–37, адкажыце на пытанні. Адказы запішыце ў табліцу: