Инженерлі мониторинг, объектісі мен міндеттері

Мониторинг (ағылш. monіtor – қараушы, қадағалаушы, күні бұрын ескерту, сақтандыру) – қоршаған табиғи орта жағдайының антропогендік факторлардың әсер-ықпалынан өзгеруін болжау мен бағалаудың, бақылаудың кешенді жүйесі.

Инженерлі мониторинг – геология орта факторларының кеңістіктік өзгеру заңдылықтары мен морфологиясын анықтау мақсатында және картаға, қимаға, сондай-ақ есеп беру құжаттарына түсіру үшін жүргізілетін инженерлік зерттеулер.Ал, геология - орта факторларының өзгерісі инженер құрылыстарды салу, оларды пайдалану жағдайын анықтайды, олардың инженер іс-әрекеттер нәтижесінен болатын өзгерістерін болжайды.

Инженерлікмониторингтің қарастыратын негізгі мәселелері: ауданның геология құрылысын, геоморфол және гидрогеологиялық ерекшеліктерін, тау жыныстарының инженерлік қасиеттерін, қазіргі геология процестер мен құбылыстарды зерттеу; инженерлік жағдайлардың кеңістіктік өзгеру заңдылықтарын анықтау; инженерлік жағдайлардың жеке құраушылары арасындағы өзара байланысты анықтау; салынған инженер құрылыстар мен геология орта арасындағы өзара әсерді зерттеу; инженерлік жағдайлар дамуының қалыптасу тарихын және қазіргі тенденцияларын анықтау; аумақтарды шаруашылық мақсатында игеру процесінде инженерлік жағдайлардың өзгеруінің болжамын жасау.

Инженерлік түсірімнің ауқымы мен мазмұны ауданның инженерлік жағдайларының күрделілігіне, зерттеу міндеттеріне, жобалау сатыларына қарай анықталады. Ірі масштабты инженерлік түсірімде бақылау пункттерінің негізгі нобайы, барлау қазбаларының орындары геодезиялық аспаптар көмегімен анықталады, аэрофототеодолиттік суреттермен салыстырылады. Инженерлік түсірімнің нәтижесінде аймақтың инженер-геологиялық картасы жасалады.

Билет

Биосфера тірі заттарының химиялық ұйымдасуын атаңыз.

Жердегі тіршіліктің пайда болу жолының мүмкіндіктері