Бузулбас сöсколбулар. Кижи бастыра ла јÿрÿмине иштеп јÿрер

Кижи бастыра ла јÿрÿмине иштеп јÿрер. Иш кижинин ырызы. Кижинин керектери, керек-јарагы ак та, кара да болорын бичиичинин тилинен чыккан бузулбас сöсколбулар керелейт.

qрö тарткан - једимге јетирген, болужып берген

Мындый эрди öрö тарткан (JК, EEС, 78).

бийик öзöр - једимдерге једер

Онон öскö ол канайып бийик öзöтöн (JК, EEС, 33).

быжыныгып калган - кадып, быжып калган

Базгынбай изÿнен болкый, бу јÿрÿмге де, ишке де, канча уурларга – тÿбектерге де быжныгып калган кижи (JК, КТ, ЭQАП, 270).

тус бол - албатызына керектÿ, санаалу, тегин улустан аныланар кижи бол деп айтканы

Jаныс та болзо – тус бол дежет ине! (JК, КТ, 38).

алакандары кычыжа берди – чыданыкпай, тÿрген ле эдерге, андаарга тураганы.

Анчы кижи кандый эди – андабаганча болбос. Алакандары кычыжа берер (JК, EEС, 125).

кол салар - бичикке колын салар

-Расписка? – Асканактын ачынганы коркыш. – Слерге чаазын берер. Кол салар (JК, EEС, 82).

Jе јамылу кол салбаган дежет (JК, КТ, ЭÖАП, 546).

тогус јылды тоголондырар – öткÿрер, јÿрер керек

Каалгага дезе пенсияга једерге эмди де тогус јылды «тоголондырар» керек (JК, КТ, 129).

сурузы канган, суруум канган - коркышту чучурагам, арыгам, иштин бажынан дегени

- А сен бала-барканды, сен бир јыл тенип јÿреринде, кем азырады? Сенизи јокко, анчада бу јаскыда не болбодыс… Уйлар экилези тöрöгöн, койлор тöрöгöн, эчкилер тöрöгöн. А мында дезе јут ла јут. Кажааннын ичи – кöл-чайык, таскактардын алды база. А öлöн дезе јок. Аш база јок. Кастар да балдарлу… Школ јаар база јÿгÿрер керек… Бот јаныскан суруум канган (JК, АJQ,129).

арай öлбöй турган – тыn арып турганы

Ишке арай öлбöй турган кижи бойына öлöн эдерге öйди де, кÿчти де кайдан табатан (JК, АJÖ, 326).

тöккöн тер – иштеген јалы

А кудагай: «Балагардын бистин јуртка тöккöн тери ол болгой дейле, сары атты чакыга артырып койгон (JК, КТ, 296).

сöгÿлгенче öлöн чап – тыныда, арыганча олöн чабар

Туку тан бÿрÿнкейден ала сöгÿлгенче öлöн чапкан кижи, бу серуÿÿнди, бу амырды сÿрекей јакшызынып јадар (JК, EEС, 3).