Электрлі бұздығандық жүйе кезіндегі поездар қозғалысы

4.1. ТПЕ-нің 16.25-тармағына сәйкес аз әрекеттенуші телімдер мен кір-
ме жолдарда поездардың қозғалысы кезіндегі байланыс құралдары ретінде
электр бұздығандық жүйе мен телефонды қолдануға жол беріледі.

Электрлі бұздығандық жүйе кезінде поездың аралықта тұруына рұқсат ретінде машиниске берілетін аталмыш аралықтың бұздығаны қызмет етеді.

4.2.Электрлі бұздығандық жүйе құрылғылары бұздыған аппараттары-нан біреуден артық бұздығанның алынуына жол бермеуі тиіс. Стрелкалық қосындардың панажайларында орнатылатын бұздығандық аппараттар бұздығанның осы станция кезекшісінің рұқсатынсыз алыну мүмкіндігіне жол бермеуі тиіс.

4.3.Әрбір бұздығанның реттік нөмірі, сериясы және аралықты шектей-тін станциялардың атаулары болуы тиіс. Әрбір аралыққа бұздығандардың өз сериясы сәйкес келуі тиіс. Бір сериялы бұздыған аппараттарын ең жиі дегенде үш аралық сайын, ал тораптарға жақындаған жерлерде - екі аралық сайын орнатуға рұқсат етіледі. Аралықты шектейтін екі станцияның бұздығандық аппараттарында, аралықта поезд жоқ кезде жиынтығы жұп санды болатын бұздығандар саны болуы тиіс.

4.4.Поездар аралықтан кері қарай станцияға қайтатын итермелеуші локомотивпен жөнелтілетін станциялардың бұздығандық аппараттары бұздыған-кілті бар аспаппен толықтырылуы тиіс.

Бұздыған-кілті бар аспаппен толықтырылған бұздығандық аппараттың құрылымы негізгі бұздығанды шешіп алмай аппараттан бұздыған-кілттің алынуына немесе бұздыған-кілт шешіліп алынған кезде негізгі бұздығанның шешіліп алынуына жол берілмейтіндей болуы тиіс.

4.5.Көршілес станцияға дейін баратын итермелеуші локомотиві бар по-ездар жөнелтілетін станциялардың бұздығандық аппараттарының бұралып алынатын бұздығандары болуы тиіс. Әрбір бұралып алынатын бұздыған екі бөліктен «бұздыған» мен «билеттен» тұруы тиіс. Бұралып алынатын бұздығандары бар бұздығандық аппараттар сонымен қатар поездардың уақытты шектеумен қозғалуын ұйымдастыру жағдайларында қолданылады.

4.6.Станция кезекшісі келіп жеткен поездан алынған бұздығандық ап-параттан өткізусіз сол аралыққа жөнелтілетін поезға тапсыру құқығына ие болады; бұл ретте поезд жөнелтілетін іргелес станцияның кезекшісінен ал-дын ала келісім алу қажет. Бұздығандық аппараттарының бұздыған-кілттері бар станцияларда бұздығанды бұздығандық аппараттан өткізусіз тапсыруға тыйым салынады.

4.7. Бұздығандармен алмасу ісі әдетте, станция кезекшісінің
панажайының жанында механикалық бұздыған ауыстырғыштармен неме-
се қолмен орындалады. Бұздығандарды қолмен ауыстырғанда бұздығандар
бұздыған әпергіштерге салынуы тиіс. Поездарды тоқтатпай өткізген
жағдайда шығу қылталарында бұздығандарды ауыстыру ісін орындауға
тыйым салынады.

4.8. Төмендегілерге тыйым салынады:

а) поездардытоқтатпай өткізу немесе олар 5 минуттан артықтұрақтаған жағдайларын есепке алмағанда, бұздығанды шешіп алуға рұқсатты поезд жөнелуге дайын болған уақыттан бұрын сұрауға;

б) әрекеттегі бұздығандарды аппаратқа салынбаған күйінде сақтауға;

в) бұздығандарды іргелес аралыққа апаруға.