Жұмыстың орындалу реті

Тапсырма

8.4-суретке сәйкес сұлбаны құрыңыз және оны қосыңыз.

Бастапқы берілгендер: кернеу көзі E1 = 12 В, функционалдық генератор кернеуі 10 мВ (синусоида, жиілігі 1 кГц), сыйымдылық С1 = 0.5 мкФ.

8.4-сурет – Зерттелетін күшейткіш сұлбасы

а) Кедергіні R2 = 1 кОм қойыңыз. Эмиттер-коллектор аймағында кернеу E1 (6В) қореккөз кернеуінің жартысына тең болатындай етіп, R1 резисторын таңдап алыңыз. Содан кейін «пробел» батырмасымен кілтті тұйықтаңыз.

б) Осциллографтың (А, В каналдары) көмегімен сұлбаның кірісі мен шығысындағы кернеудің амплитудалық мәндерін өлшеңіз. Бірінші тәжірибе үшін R2=1 кОм болғанда, шығыстық кернеу синусоида түрін қабылдау керек, ал егер ол байқалмаса онда функционалды генератордың кернеу амплитудасын азайту керек.

в) Кернеудің алынған амплитудалық мәндерін қолдана отырып, кернеу бойынша каскадтың күшею коэффициентін есептеңіз.

г) R2 кедергісі 2 кОм, 3 кОм, 5 кОм, 10 кОм болған жағдайларда осы әрекеттерді қайталаңыз.

д) R2=1 кОм, R2=10 кОм болғанда сұлба үшін кірістік және шығыстық кернеу осциллограммасын сақтаңыз.

е) Тәжірибеде алынған нәтижелер бойынша сәйкес қорытындылар жасаңыз.

Транзисторды нұсқаға сәйкес 8.1-кесте бойынша таңдаңыз.

8.1-кесте – Тапсырма нұсқалары

Есеп беру мазмұны

1) Жұмысты орындау мақсаты.

2) Жұмыстың әр бөлігінің аты, сұлбасы және өлшеу нәтижелері мен есептеулер.

3) Зерттеу нәтижелері бойынша қорытынды.