Юнгтың тәжірибесі

Ағылшын физигі Т.Юнг бірінші рет (1802 ж.) тәжірибе жасап когерент жарық толқындарының интерференциясын бақылады. Юнгтың бұл тәжірибесі 1-суретте кескінделген. Мұнда жарықтың параллель шоғы кішкене тесігі бар Е₁ экранға түсірілген, одан өткен бытыраңқы жарық шоғы кішкене екі тесігі бар Е₂ экранға түскен, одан соң осы D₁ және D ₂ тесіктерден өткен жарық Е₃ экранға түскен, сонда бұл экранның бетінде жарық және қара-қоңыр жолақтар, яғни интерференциялық бейне байқалған. D₁ және D ₂ нүктелерінен таралған когерент толқындар Е₃ алқабында кездесіп қо сылады да

бұл алқаптың әрбір нүктесінде қосылысқан толқындар фазаларының айырмасы сол нүктеге дейін жүрілген жолдар айырмасына байланысты болады. Егер жол айырмасы жарты толқындардың жұп санына тең болса, онда тербелістердің фазалары бірдей болады; қосылысқан жарық толқындары бірін-бірі күшейтеді. Егер жол айырмасы жарты толқындардың тақ санына тең болса, онда тербелістер фазалары қарама-қарсы болады да, жарық толқындары бірін-бірі жойып жібереді (жарықты жарық сөндіреді). Олардың фазаларының айырмасы:

(1)

Ал жолдар айырмасы мынаған тең болуы тиіс:

(2)

немесе

Бұл жағдайда жарық толқындары бірін-бірі әлсіретеді.