Главная Случайная страница


Полезное:

Как сделать разговор полезным и приятным Как сделать объемную звезду своими руками Как сделать то, что делать не хочется? Как сделать погремушку Как сделать так чтобы женщины сами знакомились с вами Как сделать идею коммерческой Как сделать хорошую растяжку ног? Как сделать наш разум здоровым? Как сделать, чтобы люди обманывали меньше Вопрос 4. Как сделать так, чтобы вас уважали и ценили? Как сделать лучше себе и другим людям Как сделать свидание интересным?


Категории:

АрхитектураАстрономияБиологияГеографияГеологияИнформатикаИскусствоИсторияКулинарияКультураМаркетингМатематикаМедицинаМенеджментОхрана трудаПравоПроизводствоПсихологияРелигияСоциологияСпортТехникаФизикаФилософияХимияЭкологияЭкономикаЭлектроника






Городовиков Басан Бадьминович. Басан Бадьминович Городовиков 1910 җилин үкр сарин 15-д теңгин хазгин күүнә өрк-бүлд Ростовск областин





(1910-1983 љљ.)

 

Басан Бадьминович Городовиков 1910 җилин үкр сарин 15-д теңгин хазгин күүнә өрк-бүлд Ростовск областин Платовск станицин Чиигтә Эльмт күүтрт төрҗ һарсмн. Баһ настаднь Басана эк-эцкнь өңгрсмн. Тиигәд эн 1927-ч җил мөрн цергин Краснодар балһсна училищд орҗ, терүгән 1930-ч җилд төгсәсмн. Басан Бадьминович Городовиков олн җил туршарт эврәннь бәәдл-җирһлән Советск Әәрмд нерәдәд, эгл салдсас авн генерал-лейтенант күртл күрсмн.

М. В. Фрунзен цергә академиг, Генеральн штабин академиг төгсәсмн. Советск Әәрмин кадрин офицер, генерал-лейтенант Ленинә дөрвн орденәр, Октябрьск революцин орденар, Улан Тугин дөрвн орденар, Суворовин II-ч девсңгин, Кутузовин II-ч девсңгин, Күч-Көлснә Улан Тугин, Улан одна орденмудар ачлгдла.

1941-ч җилин така сарас авн әәрмд, фронтд дәәнә олн зүсн операц күцәҗ йовсмн. Крымин һазрт «Красноармейск» гидг партизанск отрядын командир болҗ йовла, Белогорск района уулта һазрин ө-шуһу модн дунд бәәршлдг болв.

1942-ч җиләс авн фашистск Германиг диилснә кем күртл дивизьмүдиг толһалҗасмн, 1944-ч җилин ноха 17-д энүнә һардҗасн 184-ч стрелков дивизь хамгин түрүнд Советск Союзин Государственн меҗә тал һарсмн. Эн баатр йовдлын төлә СССР-ин Деед Советин Президиумин Зәрлгәр 1945-ч җилин апрелин 25-д Басан Бадьминович Городовиков Советск Союзин Геройин нерн зүүлһгдсмн.

Зөрмг-баатр генерал Б. Б. Городовиков эврәннь дивизьтәһән кесг тиим дәәнә ноолданд диилврмүд күцәһәд, немшин цергиг Берлинд күрч хамх цоклһнд орлцсмн.

Дәәнә хөөн Улан Тугта Прикарпатск цергә округин командующин дарук болҗ көдлҗәсмн.

1961-ч җиләс авн 1978-ч җил күртл партин Хальмг Таңһчин комитетин негдгч сегләтрин үүл дааҗасмн.

1961-ч җиләс 1966-ч җил күртл КПСС-ин ЦК-н шүүврин комиссин член, 1966-ч җиләс авн 1980-ч җил күртл КПСС-ин ЦК-н члена кандидат. Кесг дәкҗ СССР-ин Деед Советин депутатд суңһгдсмн.

1961-ч җиләс авн Басан Бадьминовичин цуцрлтан уга гражданск үүлдвр эклсмн, цуг чидлән эн төрскн таңһчдан өгчәсмн. Элст-Дивное төмр хаалһ, Элстин аэропорт, промышленностин болн тосхлтын ик предприятьмүд – цугтан энүнә нернлә залһлдата. Энүнә седврәр болн ик дөңгәр 1970-ч җилд Элстд Хальмг государственн университет тогтагдсмн.

Хотл балһсна делгрлтд таңһчин һардач бас ик оньган өгчәсмн. Энүнә цуцрлтан уга үүлдврин ашт таңһчд Октябрьск болн Ики-Бурульск район үүдсмн. Ахр цагин болзгт заагдсн райодт шин совхозмудт, хаалһс, улсин эдл-ахун нань чигн объектмүд тосхгдсмн.

1978-ч җилин бар сарин 20-д Басан Бадьминович Городовиков пенсьт һарв.

1983-ч җил ноха сарин 17-д өңгрсмн. Энүнә цогц Москвад Новодевичье үкәрт оршагдла.

 

 

Date: 2015-06-06; view: 608; Нарушение авторских прав; Помощь в написании работы --> СЮДА...



mydocx.ru - 2015-2024 year. (0.006 sec.) Все материалы представленные на сайте исключительно с целью ознакомления читателями и не преследуют коммерческих целей или нарушение авторских прав - Пожаловаться на публикацию